កូនគោចំឡែក កើតមកមានខ្លួនដូចសត្វទាហើយក៏ងាប់ទៅវិញ
- Sunday, January 10, 2010, 14:09
- ពត៌មានភាសាខ្មែរ
- 106 views
- បញ្ចេញមតិផ្ទាល់ខ្លួន
ដោយ : រស្មី
ថ្ងៃទី 9 មករា 2010
CEN
កូន គោ ចំឡែក មាន ក្បាល ជា សត្វ គោ ធម្មតា ឯ ខ្លួន ទាំងមូល ដូច សត្វ ទា
កូន គោ ចំឡែក មាន ក្បាល ជា សត្វ គោ ធម្មតា ឯ ខ្លួន ទាំងមូល ដូច សត្វ ទា
ស្រុកប្រាសាទបាគង-ខេត្តសៀមរាប: មានកូនគោចំឡែក ១ ក្បាល កើតមកមានក្បាលជាសត្វគោធម្មតា ឯខ្លួនទាំងមូលដូចសត្វទាទៅវិញ ប៉ុនែ្ដវាបានងាប់ភ្លាមបន្ទាប់ពីកើត ។
គោចំឡែកនេះ កើតក្នុងត្រកូលកសិកររស់នៅភូមិលលៃ ឃុំបាគង ស្រុកប្រាសាទបាគង ខេត្តសៀមរាប ដែលមានម្ចាស់ផ្ទះ ឈ្មោះ ប៉ែន សុផល ភេទស្រី អាយុ ៤៣ ឆ្នាំ ។ គោនោះកើតនៅវេលាម៉ោង ៤ ហៀបភ្លឺ ថ្ងៃទី០៩ ខែមករា ឆ្នាំ២០១០ ។
មេគោ ដែលកើតបានកូនមានខ្លួនដូចសត្វទា
ស្ត្រីម្ចាស់ផ្ទះឈ្មោះ ប៉ែន សុផល បានបញ្ជាក់ថា មេគោរបស់គាត់បានឈឺពោះជាធម្មតា នៅល្ងាចថ្ងៃទី០៨ ខែមករា ឆ្នាំ២០១០ ហើយបានសំរាលកូននៅម៉ោង ៤ ហៀបភ្លឺ ថ្ងៃទី០៩ ខែមករា កូនគោនោះបានស្លាប់ភ្លាមៗក្រោយពីកើត ។ វាជាកូនគោ ដែលមានក្បាលដូចជាគោបេះបិត ប៉ុន្តែដងខ្លួនទាំងមូលដូចជាសត្វទា ។ កូនគោចំឡែកមានទំងន់ប្រហែល ៧ ទៅ ៨ គីឡូក្រាម មានសម្បុរត្នោត មានជើងទាំង ៤ តូចៗ ហើយខ្លីៗដូចជើងគោបន្តិច ជើងទាបន្តិច ។ ម្ចាស់គោបាននិយាយថា មេគោរបស់គាត់បានកើតកូនជាលើកទី៤ហើយ រួមទាំងគោចំឡែកលើកនេះផង។
ក្រោយពីគោងាប់ភ្លាម ម្ចាស់គោបានយកទឹកកកមកក្លាស្សេ ហើយដាក់ក្នុងចានផើងមួយ ដើម្បីទុកឲ្យមនុស្សមកមើលគ្រាន់ នឹងបានថវិកាខ្លះៗ។ ជាមួយនឹងការរក្សាទុកខ្មោចកូនគោចំឡែកនេះ ម្ចាស់របស់វាបានរៀបចំរបៀបគ្រឿងសក្ការៈបូជា មានដុតធូបទាន ដើម្បីតម្កល់ទុក និងរៀបចំនិមន្តព្រះសង្ឃមកសូត្រមន្ត ដើម្បីឧទ្ទិសកុសលផលបុណ្យដល់ខ្មោចកូនគោនោះទៀតផង ។
ស្ត្រី ម្ចាស់ផ្ទះ ឈ្មោះ ប៉ែន សុផល
មនុស្សម្នាជាច្រើនបាននាំគ្នាមកមើលកូនគោចំឡែកនេះ បណ្តើរៗដោយអ្នកខ្លះបានចូលបច្ច័យ ខ្លះក៏មិនបានចូល ហើយពួកគេមិនបានពណ៌នាអ្វីឲ្យស៊ីជំរៅ ពាក់ព័ន្ធនឹងកូនគោចំឡែកនោះឡើយ ។ ប៉ុន្តែអ្នកខ្លះបាននិយាយថា វាជារឿងធម្មតាមួយនៅក្នុងពិភពលោក ឬក៏នៅក្នុងព្រះរាជាណាចក្រកម្ពុជា តែងតែកើតមានអព្ភូតហេតុចំឡែកៗ ជាបន្តបន្ទាប់ទៅលើសត្វ និងមនុស្ស ។
ប៉ុន្តែអ្វីដែលសំខាន់នោះគឺគេមិនដឹងថា គោចំឡែកក្បាលគោ ខ្លួនទា ដែលកើតមកហើយស្លាប់នោះមិនដឹងថា ជាឈ្មោល ឬញីឡើយ ។ ព្រោះតួខ្លួនដូចជាសត្វទាមើលមិនអាចដឹងថា ជាញី ឬក៏ឈ្មោលឡើយ ។ គោនេះជាព្រឹត្តិការណ៏ចំឡែកមួយ សំរាប់ខេត្តសៀមរាប ដែលសំបូរដោយប្រាង្គប្រាសាទ សំរាប់ដើមខែមករា ឆ្នាំ២០១០ នេះ ៕
No comments:
Post a Comment