​ថោង​ ខុន ​: មហាសន្និបាត សហព័ន្ធ​ប្រដាល់​ត្រឹមត្រូវ​ល្អ​

ដោយ : រស្មី
ថ្ងៃទី 14 មករា 2010
CEN
លោក​ឧកញ៉ា អ៊ុំ យូរ៉ាន់ បាន​បញ្ឈប់​សមត្ថិភាព​របស់ខ្លួន​ជា​ប្រធាន​សហព័ន្ធ ជា​សមាជិក​ប្រតិបត្តិ​សហព័ន្ធ​ប្រដាល់​តាំងពី​ថ្ងៃ​ទី៣១ ធ្នូ ២០០៩ ដែល​ជា​ថ្ងៃ​មហាសន្និបាត បញ្ឈប់​អាណត្តិចា​ស់ និង​ជ្រើសរើស​សមាជិក​ប្រតិបត្តិ​អាណ​ត្តិ​ថ្មី ។​
លោក ឧកញ៉ា អ៊ុំ យូរ៉ាន់ បាន បញ្ឈប់ សមត្ថិភាព របស់ខ្លួន ជា ប្រធាន សហព័ន្ធ ជា សមាជិក ប្រតិបត្តិ សហព័ន្ធ ប្រដាល់ តាំងពី ថ្ងៃ ទី៣១ ធ្នូ ២០០៩ ដែល ជា ថ្ងៃ មហាសន្និបាត បញ្ឈប់ អាណត្តិចា ស់ និង ជ្រើសរើស សមាជិក ប្រតិបត្តិ អាណ ត្តិ ថ្មី ។
Dog Bite Dog45 Fantastic Fights of the CenturyChampionship Training / Heart of a ChampionThe Pit Workout
ភ្នំពេញ: លោក​ឧកញ៉ា អ៊ុំ យូរ៉ាន់ បាន​បញ្ឈប់​សមត្ថិភាព​របស់ខ្លួន​ជា​ប្រធាន​សហព័ន្ធ ជា​សមាជិក​ប្រតិបត្តិ​សហព័ន្ធ​ប្រដាល់​តាំងពី​ថ្ងៃ​ទី៣១ ធ្នូ ២០០៩ ដែល​ជា​ថ្ងៃ​មហាសន្និបាត បញ្ឈប់​អាណត្តិចា​ស់ និង​ជ្រើសរើស​សមាជិក​ប្រតិបត្តិ​អាណ​ត្តិ​ថ្មី ។​
​ លោក​ ឡាក់ សំអាត អគ្គនាយក​កីឡា នៃ​ក្រសួង​អប់រំ​យុវជន និង​កីឡា គឺជា​ប្រធាន​ដឹកនាំ​អង្គ​មហាសន្និបាត​នោះ ។ កាលនោះ​លោក អ៊ុំ យូរ៉ាន់ រួម​នឹង​សមាជិក​ប្រតិបត្តិ​អាណត្តិចា​ស់​ទាំងអស់ បានប្រកាស​រំសាយ និង​ប្រគល់​ត្រា​សហព័ន្ធ​ជូន​ដល់​លោក ឡាក់ សំអាត ។ នោះ​មានន័យ​ថា សុពលភាព​ជា​សមាជិក​ប្រតិ​បតិ្ដលំដាប់​អាណត្តិចា​ស់ ត្រូវបាន​បញ្ឈប់ ។​
​ លោក​ អ៊ុំ ពន្លក ដែល​ជា​សមាជិក​ប្រតិបត្តិ​ចាស់​ទទួលបន្ទុក​អគ្គ​ហិ​រញ្ញិ​ក និង​ជា​កូនប្រុស​របស់​លោក ​អ៊ុំ យូរ៉ាន់ បាន​អាន​របាយការណ៍​ហិរ​រញ្ញវត្ថុ​មួយ ដែល​គេ​ជឿថា របាយការណ៍​​នោះ​ខ្វះ​លក្ខណៈ​គ្រប់គ្រាន់ ។​
​ ទោះ​យ៉ាងណា​ក៏ក្រោយ​ការបោះឆ្នោត​នោះ លោក ​អ៊ុំ យូរ៉ាន់ បាន​ទទួល​ការគាំទ្រ​តែ ៥ សំលេង ឯ​កូនប្រុស​របស់​គាត់​ឈ្មោះ អ៊ុំ ពន្លក បាន ៣ សំលេង ។​
លោក​ឧកញ៉ា​អ៊ុំ យូរ៉ាន់​បោះឆ្នោត​ទាំង​ញញឹម​ដោយ​សង្ឃឹមថា បាន​បន្ត​អាណត្តិ​ជា​ប្រធាន​ប្រដាល់​ទៀត ។
លោក ឧកញ៉ា អ៊ុំ យូរ៉ាន់ បោះឆ្នោត ទាំង ញញឹម ដោយ សង្ឃឹមថា បាន បន្ត អាណត្តិ ជា ប្រធាន ប្រដាល់ ទៀត ។
​ លោក​វេជ្ជបណ្ឌិត ធី​ង ម៉ៅ​យ៉េន អនុប្រធាន​ប្រដាល់​អាណ​ត្តិថ្មី ដែល​បាន​ទទួល​ការគាំទ្រ ២៣ សំលេង លើ​សន្លឹកឆ្នោត ២៥ ក្នុងនោះ ២ សន្លឹក មិន​បាន​ការ​នោះ​មានប្រសាសន៍ថា ពេលនេះ​លោក អ៊ុំ យូរ៉ាន់ កំពុងតែ​ធ្វើ​សកម្មភាព​មួយ ដែល​មិន​ឲ្យ​តំលៃ​ខ្លួនឯង ។
​លោក​បន្តថា គាត់​ចោទ​ថា ​គេ​ក្បត់​គាត់ មិនតែប៉ុណ្ណោះ កូនស្រី​របស់​គាត់​ទូរស័ព្ទ​មក​ជេរ​គេ ប្រមាថ​គេឯង​ទៀតផង លោក​ យ៉េន បន្តទៀតថា លោក​ យូរ៉ាន់ ធា្លក់ឆ្នោត​ដោយសារការ​គ្មាន​ការគាំទ្រ​ពី​ថ្នាក់​ក្រោម មិន​ស្គាល់​ពី​អត្តសញ្ញាណ​ជាតិ និង​មិន​គោរព​អនុសាសន៍​សម្តេច​តេជោ​ ហ៊ុន សែន ពី​ករណី​អ្នក​ប្រដាល់ ​រី សាវុធ ។​
​ លោក​ វ៉ាត់ ចំរើន អគ្គលេខា​គណៈកម្មាធិកា​រ​ជាតិ អូឡាំពិក​ឲ្យ​អ្នកកាសែ​តដឹង​ថា លោក ​អ៊ុំ យូរ៉ាន់ ពេលនេះ​កំពុង​ចង់​បង្កើត​សហព័ន្ធ​ប្រដាល់​មួយទៀត គឺ​សហព័ន្ធ​ប្រដាល់​អាជីព ។ ប៉ុន្តែ​សព្វថ្ងៃនេះសហព័ន្ធ​ប្រដាល់​កម្ពុជា គឺ​គ្រប់គ្រង​ទាំង​ប្រដាល់​អាជីព ប្រដាល់​ស្ម័គ្រចិត្ត និង​គុណ​ខ្មែរ ។​
​លោក​ វ៉ាត់ ចំរើន បន្តថា បញ្ហា​ដែល​សំខាន់​នោះ គឺ​លោក​អ៊ុំ យូរ៉ាន់ ត្រូវតែ​ទៅ​សម្របសម្រួល​ជា​លោក​ឧត្តមសេនីយ៍ទោ តែម ម៉ឺន ដែល​កំពុង​កាន់កាប់​ស​ហ​ព័ន្ធ​ប្រដាល់ តើ​គាត់​អាច​លះបង់​ប្រដាល់​អាជីព​សំរាប់​ អ៊ុំ យូរ៉ាន់ ​បាន​ឬទេ ? ឧត្តមសេនីយ៍ តែម ម៉ឺន ទំនង​ជា​ឆ្លើយ No ច្រើនជាង yes ហើយ ។​
​ ពាក់ព័ន្ធ​នឹង​ការធ្វើ​មហាសន្និបាត​កន្លងមក​នោះ លោក​អគ្គលេខាធិការ​អូឡាំពិក​ចាត់ទុកថា មាន​លក្ខណៈ​ត្រឹមត្រូវ​​ល្អ​ណាស់ ។ ចំពោះ​ភាព​ចម្រុង​ច​ម្រះ​ដែល​កើត​មាន​ក្រោយ​មហាសន្និបាត មកទល់​ពេល​នេះ​វា​ជា​រឿង​បុគ្គល​ប៉ុណ្ណោះ វា​មិនមែន​ជា​រឿង​របស់​សហព័ន្ធ ឬ​របស់​អូឡាំពិក​ឡើយ ។​
​សហព័ន្ធ​ប្រដាល់​សព្វថ្ងៃនេះ ស្ថិតនៅ​ផ្នែក​មួយ​នៃ​ដំបូង​តូច ដែល​មាន​ទីតាំង​ក្នុង​បរិវេណ​ស្តា​ត​អូឡាំពិក ។ បន្ទុក​ការិយាល័យ​ប្រធាន​សហព័ន្ធ ដែល​មុននេះ​លោក​ អ៊ុំ យូរ៉ាន់ អង្គុយ​នោះ ពេលនេះ​គាត់​មិន​ព្រម​ប្រគល់​សោ ឬ​បើកទ្វារ​ឲ្យ​អ្នកថ្មី អង្គុយ​ធ្វើការ​បន្ត​ពី​គាត់​ទេ ។​
​ បើ​តាម​ការឲ្យដឹង ស្ទើរតែ​រាល់ថ្ងៃ​លោក​យូរ៉ាន់ តែងតែ​ទៅ​ទីនោះ ហើយ​បើក​ម៉ាស៊ីនត្រជាក់​សម្ងំ​នៅក្នុង​នោះ​រាប់​ម៉ោង ទើប​ជា​អគ្គ​ហិរញ្ញិក និង​កូនប្រសារ​របស់​គាត់​ឈ្មោះ​ពិសាល ជា​បេឡា ។​
​រចនាសម្ព័ន្ធ​មួយ​បែប​នេះ សូម​នាំគ្នា​គិត​មើលទៅ​ល្អ ឬ​អាក្រក់ ?
​ ល្ងាច​ថ្ងៃ​ទី ១៣ មករា សមាជិក​ប្រតិបត្តិ​ប្រដាល់​អាណ​ត្តិ​ថ្មី បាន​ចូល​សំដែង​ការគួរសម​ជាមួយ​លោក​ ថោង ខុន ជា​ប្រធាន​អូឡាំពិក ។​ ​ក្រោយ​ពី​ការជួប​សំដែង​ការគួរសម​នេះ លោក​វេជ្ជបណ្ឌិត​ ធី​ង ម៉ៅ​យ៉េន ដែល​ជា​អនុប្រធាន​សហព័ន្ធ​ប្រាប់​អ្នកកាសែត​ថា ប្រធាន​អូឡាំពិក​បាន​ទទួលស្គាល់​ជា​ផ្លូវការ ។ ពេល​នេះ​សហព័ន្ធ​ប្រដាល់ នឹង​រៀបចំ​បញ្ជូន​បញ្ជី​ឈ្មោះ សមាជិក​ប្រតិបត្តិ​អាណ​ត្តិ​ថ្មី​នេះ ទៅ​ស្ថាប័ន​ប្រដាល់​អន្តរជាតិ​នានា​លើ​ពិភពលោក ។​
​ លោក​ឧកញ៉ា​អ៊ុំ យូរ៉ាន់ អ្នកយក​ព័ត៌មាន​របស់​យើង​ព្យាយាម​ទាក់ទង​ដែរ តែ​នៅ​មិនបាន ៕

No comments: