មន្ត្រីរដ្ឋាភិបាល រិះគន់បក្សសមរង្ស៊ី ប្រមូលស្នាមមេដៃ និងប្រតិកម្មក្នុងសំណុំរឿងព្រំដែន
ភ្នំពេញ: ទីប្រឹក្សារាជរដ្ឋាភិបាលកម្ពុជា និង ជាអ្នកនាំពាក្យនៃអង្គភាពព័ត៌មាន និង ប្រតិកម្មរហ័ស របស់ទីស្តីការគណៈរដ្ឋមន្ត្រី លោក ទិត សុធា បានលើកឡើងថា ករណីប្រជាពលរដ្ឋផ្តិចមេដៃនៅតាមបណ្តាខេត្តក្រុងមួយចំនួន ដើម្បីថ្វាយព្រះមហាក្សត្រ ដែល គណបក្សសមរង្ស៊ី កំពុងធ្វើនោះ ជាទង្វើខុសឆ្គងមួយយ៉ាងធ្ងន់ធ្ងរ។ រឿងនេះ ក៏ជាការរុញច្រានព្រះមហាក្សត្រ ឲ្យទទួលខុសត្រូវ ហើយជាបន្ទុកមួយ ដែលពិបាកក្នុងការវិនិច្ឆ័យ។
ទីប្រឹក្សារាជរដ្ឋាភិបាល បានលើកឡើងដូច្នេះ បន្ទាប់ពីគណបក្សសមរង្ស៊ី បាន និង កំពុងប្រមូលស្នាមមេដៃពីប្រជាពលរដ្ឋ និង សកម្មជនគាំទ្រគណបក្សខ្លួន ដើម្បីថ្វាយព្រះមហាក្សត្រ ក្នុងបំណងស្វែងរកព្រះរាជអន្តរាគមន៍ពីព្រះអង្គ ដើម្បីឲ្យលោក សមរង្ស៊ី បានរួច ផុតពីការចោទប្រកាន់ ក្នុងសំណុំរឿងក្តីនៅតុលាការ។ គណបក្សសមរង្ស៊ី ក៏បានទូលសុំព្រះរាជអន្តរាគមន៍ពីព្រះមហាក្សត្រ ដើម្បីឲ្យ រដ្ឋសភា ប្រគល់អភ័យឯកសិទ្ធិសភាឲ្យលោក សមរង្ស៊ី វិញផងដែរ។
ទីប្រឹក្សារាជរដ្ឋាភិបាល បានលើកឡើងដូច្នេះ បន្ទាប់ពីគណបក្សសមរង្ស៊ី បាន និង កំពុងប្រមូលស្នាមមេដៃពីប្រជាពលរដ្ឋ និង សកម្មជនគាំទ្រគណបក្សខ្លួន ដើម្បីថ្វាយព្រះមហាក្សត្រ ក្នុងបំណងស្វែងរកព្រះរាជអន្តរាគមន៍ពីព្រះអង្គ ដើម្បីឲ្យលោក សមរង្ស៊ី បានរួច ផុតពីការចោទប្រកាន់ ក្នុងសំណុំរឿងក្តីនៅតុលាការ។ គណបក្សសមរង្ស៊ី ក៏បានទូលសុំព្រះរាជអន្តរាគមន៍ពីព្រះមហាក្សត្រ ដើម្បីឲ្យ រដ្ឋសភា ប្រគល់អភ័យឯកសិទ្ធិសភាឲ្យលោក សមរង្ស៊ី វិញផងដែរ។
លោក សមរង្ស៊ី ជាប់ចោទពីបទបំផ្លាញតម្រុយបង្គោលព្រំដែនលេខ ១៨៥ រវាងប្រទេសកម្ពុជា-វៀតណាម និង ការញុះញុងជាតិ សាសន៍។ ការចោទប្រកាន់នេះ ដោយសារតែលោក សម រង្ស៊ី បានដឹកនាំកម្លាំងអ្នកភូមិមួយចំនួន ចុះទៅដកតម្រុយបង្គោលឈើ សម្រាប់ ដំណើរការបោះបង្គោលព្រំដែន ចេញពីដីស្រែរបស់កសិករខ្មែរ ស្ថិតនៅភូមិក្បោះក្បានកណ្តាល ឃុំសំរោង ស្រុកចន្ទ្រា ខេត្តស្វាយរៀង កាលពីថ្ងៃទី ២៥ តុលា ឆ្នាំ ២០០៩។
ក្នុងរឿងក្តីនេះ អ្នកភូមិ ៥ នាក់ ក៏ទទួលរងនូវការចោទប្រកាន់ពីបទបំផ្លាញបង្គោលតម្រុយព្រំដែន ដូចលោក សមរង្ស៊ី។ អ្នកភូមិ ២ នាក់ ត្រូវចាប់ឃុំខ្លួន និង ៣ នាក់ទៀត កំពុងរត់គេចខ្លួន រួមជាមួយលោក សមរង្ស៊ី ដែលកំពុងស្ថិតនៅប្រទេសបារាំង នាពេលនេះ។ សំណុំរឿងដកតម្រុយបង្គោលព្រំដែន នឹងត្រូវតុលាការខេត្តស្វាយរៀង បើកការជំនុំជម្រះរួមគ្នា នៅថ្ងៃទី ២៧មករា ឆ្នាំ ២០១០។
នៅក្នុងសន្និសីទកាសែតមិនបើកចំហរ នាបន្ទប់ធ្វើការនៅទីស្តីការគណៈរដ្ឋមន្ត្រី កាលពីព្រឹកថ្ងៃទី ១៥មករា ឆ្នាំ ២០១០ លោកទីប្រឹក្សារាជរដ្ឋាភិបាល ទិត សុធា ក៏បានគូសបញ្ជាក់ថា ទង្វើរបស់លោក សម រង្ស៊ី គឺ បានធ្វើដោយខុសច្បាប់ ហើយបែរជាឲ្យ ព្រះមហាក្សត្រ ជួយការពារទង្វើរំលោភរបស់ខ្លួន។ ដូច្នេះការប្រមូលស្នាមមេដៃ ប្រជាពលរដ្ឋពេលនេះ ជារឿងមួយមិនត្រឹមត្រូវ។
ទីប្រឹក្សារាជរដ្ឋាភិបាល ដែលពីមុនជាអ្នកឆ្លងឆ្លើយព័ត៌មានរបស់វិទ្យុសម្លេងសហរដ្ឋអាមេរិក លោក ទិត សុធា ក៏បានបញ្ជាក់ថា លោក សម រង្ស៊ី ខ្លួនឯង ត្រូវតែវិលមកកាន់ប្រទេសកម្ពុជា ដើម្បីប្រឈមចំពោះមុខច្បាប់ ហើយគួរតែបញ្ឈប់នូវការការកេងចំណេញ នយោបាយ ពីប្រជាពលរដ្ឋខ្មែរទៀតទៅ។
សូមរម្លឹកថា ចាប់តាំងពីព្រឹត្តិការណ៍ដកតម្រុយបង្គោលព្រំដែន កាលពីថ្ងៃ ២៥ តុលា ឆ្នាំ ២០០៩ ដែលនាំទៅដល់ការប្តឹងចោទ ប្រកាន់លើអ្នកភូមិ ៥ នាក់ និង លោក សម រង្ស៊ី, គណបក្ស សម រង្ស៊ី ក៏បានផ្តើមប្រមូលស្នាមមេដៃពីប្រជាពលរដ្ឋ និង សកម្មជនគាំទ្រ របស់ខ្លួន។
គិតមកដល់ពេលនេះ យុទ្ធនាការប្រមូលស្នាមមេដៃរបស់គណបក្សសមរង្ស៊ី ត្រូវបានលោក យឹម សុវណ្ណ អ្នកនាំពាក្យ អះអាងថា គណបក្សលោក ទទួលបានស្នាមមេដៃពីប្រជាពលរដ្ឋចំនួន ២០ ម៉ឺននាក់ នៅទូទាំងប្រទេស។ ក្នុងនោះ ក៏មានស្នាមមេដៃសមាជិកក្រុម ប្រឹក្សាឃុំសង្កាត់, ស្រុកខណ្ឌ, ខេត្តរាជធានី ដែលជាសកម្មជនរបស់ខ្លួន ចំនួនជាង ៣.០០០ នាក់ ត្រូវបានផ្ញើថ្វាយ ទៅកាន់ព្រះមហាក្សត្រ សម្តេចព្រះបរមនាថ នរោត្តម សីហមុនី រួចហើយ កាលពីអាទិត្យមុន។
ទោះជាយ៉ាងណាក៏ដោយ ក្នុងនាមរាជរដ្ឋាភិបាលកម្ពុជា លោក ទិត សុធា បានអះអាងថា ដំណើរការបោះបង្គោលកំណត់ ព្រំដែនកម្ពុជា-វៀតណាម មិនបានធ្វើឲ្យប្រជាពលរដ្ឋខ្មែរ បាត់បង់ដីស្រែទេ។
ការលើកឡើងដូច្នេះ គឺឆ្លើយតបនឹងមន្ត្រីអ្នកនាំពាក្យគណបក្សសមរង្ស៊ី លោក យឹម សុវណ្ណ ដែលបានថ្លែងក្នុងវិទ្យុអាស៊ីសេរី កាលពីយប់ថ្ងៃទី ១៤មករា ឆ្នាំ ២០១០។ លោក យឹម សុវណ្ណ បានអះអាងថា សារាចររបស់រាជរដ្ឋាភិបាល ចុះថ្ងៃទី ២៧ តុលា ឆ្នាំ ២០០០ បាន រំលោភលើច្បាប់ភូមិបាល ហើយថា ប្រជាពលរដ្ឋខ្មែរ តាមបណ្តោយព្រំដែន ( កម្ពុជា-វៀតណាម ) បានបាត់បង់ដីស្រែចំការ ដោយ សារតែការបោះបង្គោលព្រំដែន។
សារាចរ ឆ្នាំ ២០០០ របស់រាជរដ្ឋាភិបាល បានកំណត់ ហាមឃាត់ជាដាច់ខាត មិនឲ្យប្រជាពលរដ្ឋខ្មែរ ធ្វើមួយដែលនាំឲ្យមានការ ប្រែប្រួលបរិស្ថានតំបន់ព្រំដែនកម្ពុជា-វៀតណាមឡើយ។ ម្យ៉ាងទៀត សារាចរនោះ ក៏បានកំណត់ថា ដីនៅតាមព្រំដែន មិនមែនជាដីកម្មសិទ្ធិ ទេ៕
No comments:
Post a Comment