អតីតពលរដ្ឋនៅដីក្រហមប្រារព្ធខួប១ឆ្នាំនៃការបណ្ដេញចេញ

By: Mr. Oun Chhen

Date2010-01-24

Translated in English by Prey Kbass

Former residence at the developmental Dey Krohorm about 150, represented 144 families that were forced to get out from their property, lands, houses in Dey Krohom community in Ton Le Barsak commune, Charm Kar Mon district, Phnom Penh City since Junuary 24, 2009 celebrated the anniversary of this forcing.
អតីតអ្នករស់នៅតំបន់ដីក្រហមប្រមាណ១៥០នាក់ តំណាងឲ្យប្រជាពលរដ្ឋ១៤៤គ្រួសារដែលត្រូវបានគេបណ្ដេញចេញពីដីធ្លីនិងផ្ទះសម្បែងនៅសហគមន៍ដីក្រហមក្នុងសង្កាត់ទន្លេបាសាក់ ខណ្ឌចម្ការមន រាជធានីភ្នំពេញ កាលពីថ្ងៃ២៤ មករា ឆ្នាំ២០០៩ បានប្រារព្ធខួបគម្រប់មួយឆ្នាំនៃការបណ្ដេញចេញនេះ។

RFA/Uon Chhin

២៤-មករា-១០: អតីតអ្នករស់នៅតំបន់ដីក្រហមដែលរងការបណ្ដេញចេញពីដីធ្លីនិងផ្ទះសម្បែងកាលពីថ្ងៃ២៤ មករា ២០០៩ នាំគ្នាប្រារព្ធខួបមួយឆ្នាំនៃការបណ្ដេញចេញនេះនៅសហគមន៍ដីក្រហមក្នុងខណ្ឌចម្ការមន រាជធានីភ្នំពេញ។

ពិធីរំឭកខួបលើកទី១នៃការបណ្ដេញចេញ បានប្រារព្ធធ្វើឡើងក្នុងវត្តស្វាយពពែ នៅព្រឹកថ្ងៃអាទិត្យ ទី២៤ មករានេះ ដោយមានការនិមន្តព្រះសង្ឃសូតមន្តផងដែរ។
This reminding anniversary of this forcing were celebrated inside Svay Por Peh temple on Sunday morning, January 24, by bringing up among monks for blessing as well.

បន្ទាប់ពីពិធីសូតមន្តបានចប់សព្វគ្រប់ អតីតប្រជាពលរដ្ឋនៃសហគមន៍ដីក្រហម បានដើរហែក្បួនទៅរៀបចំពិធីអុជធូបទៀននៅទីតាំងនៃអតីតសហគមន៍ដីក្រហមដែលត្រូវបានព័ទ្ធរបងស័ង្កសីជិតនិងកាន់កាប់ដោយក្រុមហ៊ុន7NG។

ទស្សនាវីដេអូនៅវឹបសាយថ៍ YouTube

នៅឯទីតាំងដីនៃអតីតសហគមន៍ដីក្រហម ដែលបច្ចុប្បន្នជាកម្មសិទ្ធិរបស់ក្រុមហ៊ុន7NG តំណាងអតីតប្រជាពលរដ្ឋនៅសហគមន៍ដីក្រហម លោក ចាន់ វិចិត្រ បានអានសេចក្ដីថ្លែងការណ៍ក្នុងឱកាសខួបគម្រប់មួយឆ្នាំ ដោយបញ្ជាក់ពីការឈឺចាប់ដែលពួកគាត់មានប្រសាសន៍ថា មិនអាចបំភ្លេចបាន។

លោក ចាន់ វិចិត្រ បានថ្លែងយ៉ាងដូច្នេះ ៖ «ប្រជាពលរដ្ឋអ្នកសហគមន៍ដីក្រហមនៅតែចងចាំអស់មួយជីវិតនូវអំពើអមនុស្សធម៌ ព្រៃផ្សៃ សាហាវយង់ឃ្នង រំលោភបំពានសិទ្ធិមនុស្សនិងសិទ្ធិរស់នៅ ដែលយើងចាត់ទុកថា ជាវាលពិឃាតទី២»។

នាយកប្រតិបត្តិនៃមជ្ឈមណ្ឌលអប់រំច្បាប់សម្រាប់សហគមន៍ លោក យ៉េង វីរៈ បានអំពាវនាវសូមឲ្យមានការគោរពសិទ្ធិមនុស្សនិងសូមកុំឲ្យមានការបណ្ដេញចេញតទៅទៀត។

លោក យ៉េង វីរៈ បានអំពាវនាវដូច្នេះ ៖ «មន្រ្តីអនុវត្តច្បាប់បានបំពានលើច្បាប់ហ្នឹង ហើយយកច្បាប់មកបង្កើតឲ្យមានការឈឺចាប់ទៅវិញ»។

ប្រធានអង្គការសិទ្ធិមនុស្សលីកាដូ លោកស្រីវេជ្ជបណ្ឌិត ពុង ឈីវកេក បានសម្ដែងនូវការអាណិតអាសូរចំពោះប្រជាពលរដ្ឋក្រីក្រដែលបានបង្ខំចិត្តទៅរស់នៅឆ្ងាយពីទីក្រុង ពីសាលារៀននៃកូនចៅរបស់ពួកគាត់និងពីទីកន្លែងប្រកបរបររកស៊ី។

លោកស្រីវេជ្ជបណ្ឌិត ពុង ឈីវកេក មានប្រសាសន៍ដូច្នេះ ៖ «បើរដ្ឋាភិបាលលោកចង់អភិវឌ្ឍកន្លែងត្រង់ណា សូមលោកមេត្តាជួយឲ្យបងប្អូនឲ្យមានបានសំណងឲ្យបានសមរម្យ ជួយអ្នកក្រឲ្យរស់សិនមុននឹងជួយអ្នកមានឲ្យមានថែម»។

ក្នុងពិធីអុជធូបទាននៅក្បែររបងនៃក្រុមហ៊ុន7NG ប្រជាពលរដ្ឋបានប្រើពាក្យទ្រគោះបោះបោកធ្ងន់ៗដល់អ្នកដែលបានបណ្ដេញពួកគាត់ហើយយកដីធ្លីរបស់ពួកគាត់នោះ ៖ «អស់លោកបំពានលើសិទ្ធិប្រជាពលរដ្ឋនៅដីក្រហមទាំងប៉ុន្មានសប្បាយប៉ុណ្ណាឲ្យអ្នកឯងឈឺចាប់លើសអ្នកដីក្រហម១០០ដង»។

អតីតអ្នករស់នៅក្នុងសហគមន៍ដីក្រហមត្រូវបានកងកម្លាំងចម្រុះរបស់សាលាក្រុងភ្នំពេញ និងកម្មកររបស់ក្រុមហ៊ុន7NG បណ្ដេញចេញពីដីធ្លីនិងផ្ទះសម្បែងកាលពីថ្ងៃទី២៤ មករា ឆ្នាំ២០០៩។ រហូតមកដល់ពេលនេះពួកគាត់ បានបង្ខំចិត្តទទួលយកផ្ទះល្វែងនៅភូមិដំណាក់ត្រយឹង សង្កាត់ចោមចៅ ខណ្ឌដង្កោ។ ប្រជាពលរដ្ឋភាគច្រើនបានលក់ផ្ទះហើយត្រឡប់មកជួលផ្ទះរស់នៅក្នុងទីក្រុងភ្នំពេញវិញដោយពួកគាត់អះអាងថា ទីតាំងថ្មីពុំមានហេដ្ឋារចនាសម្ព័ន្ធ ជាពិសេសទឹកនិងភ្លើងហើយម្យ៉ាងទៀតនៅឆ្ងាយពីកន្លែងប្រកបរបរទទួលទាន៕